NOCHTSCHICHT

im ESPRESSO ROSI

 

Des Bikini-Madl is beinamputiert. Zagt ihre Neon-Kurvn üba da Tia
A rostiga Flippa zwischn Heisl und Schank. Es fäult noch Zwiefe koide Tschik und Bia
Do is a Pool und a Jukebox und grod gnua Plotz zum Steh
Und de blade Rosi hinta da Budl, de fiat wia imma den Schmäh
Sie hod a Goschn wia a Kutscha und an Oasch wia a Lok und imma a Zwinkern fian Ferry

Im Espresso Rosi do wartns nua drauf, daß da Schattn dem Tog es Liacht ausblost
Sie lahnan do und schlofn mit offene Augn. Zum Redn gibts nix mea wannst ka Chance rnea host
Am Tisch in da Eckn sitzt ana do und wart. Er sauft de Mokka ex zittert und tuat se hart
Er is kana von do und des siecht ma eanl au. Und wanna d' Rosi frogt sogts: Sie kurnrnan schon no dran.

Und er wart weida wiras imma mocht, heit in dera langan Nocht.
Weu heit is Nochtschicht.

Do is da Ferry mit 3 Gschroppn und da drittn Frau, ana Lehr ois Tischla, kana Hockn und 4 Joa Karlau
Mit kana Aussicht auf an Job und gnua Marie zum Leben. Und den Ruaß des Out sogta hoda se lang gnua gebn
Um 10e kummt d' Belegschoft, da Peda und da Hans. Da Peda is a Profi. Da Hans wüs wean, oba schoffts ned ganz.
Da Ferry baut eam auf sogt. Oida muagn liegst in da Sunn. Damit ers söba glaubt gibts no an letztn Rum.

3 gache Schnaps 3 gschwinde Bock, weu des wiad heit a lange Nocht.
Muagn wiad ollas anders - des wa doch glocht. Muagn noch dera langan Nocht.
Weu heit is Nochtschicht.

Es is boid 12e und da Ferry is längst auf da Tour. Es wiad am Pooltisch ruhig, de Rosi ziagt de Vuahäng zua.
De Jungen gspian se stean jetzt und reißn a boid o. Martern draußn eanre Eisn de Rosi draht de Musi o.
Stoßzeit is es geht auf hoiba 2. De letztn san jetzt aufgwocht und hängan an da Bar.
Grell gschminkte Weiba, rauschige Freier. Vü ausgleierts Lochn, vü nimma Dawartn.
"Dei Stammgast", sogt d' Rosi und schaut auf die Uhr, "mochs auf de Gschwinde, i hob heit no wos vua".
Und die Lore, die fia Leit mit vü Phantasie ausschaut wia 12e (wia oids echt is sogts nie),
die schaut dazua, daß sa se zu ihra Kunschoft hockt, de wos sie dann mit saure Drops ins Hintazimma lockt.
Und fia anderthoib Blaue - sofort und in bar - spüds fia den Herrn dea ned heapaßt auf keusch und klaa.

Weu es gibt nix wos sie ned rnocht, heit in dera langan Nocht.
Weu heit is Nochtschicht.

Draußn wiads scho hell, es is boid in da Frua. Do kumman Ferry und Co von da Tour retour.
12 Farb-Portables sans, de Rosi mant: " I wia a Noa." Dann pockts mit au, zaht, zählt und zoit de Woa.
Es is a Wahn des hods echt brocht, heit in dera langan Nocht.
In dera Nochtschicht.

©  Günter Brödl

waveline.gif (2786 Byte)


Last Updated: 26. September 2008

     
Xgmail.gif (853 Byte)
e-mail

home1.gif (2822 Byte)

[ KURT OSTBAHN / WILLI RESETARITS / GÜNTER BRÖDL / SCHMETTERLINGE / WELTORCHESTER / RP5 ]
[ Platten / Konzerte / Songtexte / Videos / Mitmusiker / Filme / Gschichtln / Radio und TV / Fotos / Bücher / Memorabilia / Diverses /
Zeitungs- und Zeitschriftenartikel / NachahmerNews / Updates / Konzertkalender / Credits / Links ]